Pantun Covid-19 Syarifah Munira

Pantun Covid-19 Syarifah Munira
Syarifah Munira

SABA
Syarifah Munirah:

Ya Rabb...
Neubri saba keu kamoe dumna
Karena Corona udep ka mulai merana
Kon cuma takot keu karantina
Suntok di rumoh yang leupah that na

Ya Rabb...
Neu peuselamat kamoe dumna
Dari masalah yang ube kana
Bek neutamah lee wahe Rabbana
Susah that kamoa golongan Poma

Bak meu magun, sira na, campli tan
Boh manok sikhan payah plah lapan
Na keu si Mae hansep keu si Raban
Gohlom bak tapeutimang ayah sigam

Allah Po lon...
Neubri kamoa leupah nibak bahaya
Cukop that jra bak peutimang bala
Neu hapoh desya ubit ngen raya
Baik ulama sereuta umara

Kasep oh noe wahee Tuhan lon...
Kamoa lakeei ampon ngen wabah donya
Pruet deuk raseuki hana pat mita
Aneuk meuba'ee ie mom katho
Ma jih meulengleng hana sapeu na

Goh lom sidara meuputa-puta
Laptop dimeureupah ngen adoe a
Bak dipeuget pe er canggih ata sikula
Yang that gura syit yah sinyak
Teungeut sikrak, jaroe lam lungkiek pha

That tunu teguh bak tapeutimang ulee
Ho teuh mandum wahee syedara?
"Saba.. Saba.."
"Lockdown.. Lockdown.."
Nyan saran dari para ahlinya

Meunyo han nah...
Geutanyoe cre bre kadang pih mate
Kon karena ta'eun yang lageei nyoe rupa
Tapi sabeub ta meupake ngen balah kata
Meu'en keurate sesama keluarga

Tingkatkan iman ngen kesabaran
Tumbuhkan pengertian sesama kita
Karena nyoe masa sulit
Butuh energi luar biasa
Semoga ujian talewati ngen lapang dada

Walaupun phet, pasti na mameh ujong
Janji Tuhan keu mandum hamba
Tinggai tapreh pajan teuka
Jaga imun ngen stamina
Nyang limong wateei bek sagai lupa

Meunye hek, piyoh!
Meunye teungeut, eh!
Meunye deuk, pajoh, pue-pue yang na!
Meunye grah, jeib ie puteh,
Bek meuceh kupi bak warong Yah Wa!

Bek meupep-pep
Bek sagai karu
Kheun laju Allah Allah dalam dada
Soe tuoh malam nyoe mate Beumeusampe dalam syurga

Ingat...
Duek di rumoh
Bek meurawon, bek meucron-cron
Sabeub Corona hana ituri ma
Baek peujabat atawa jeulata
Rata i sampoh asai kontak na
_______
Banda Aceh, 31 Maret 2020.

Syarifah Munira, lahir di Sigli selama dua periode menjadi anggota DPRK Banda Aceh dari Partai PPP. Selain politisi beliau juga seorang pembaca puisi dan pernah menjadi sebagai pembawa acara di sebuah TV  di Banda Aceh.

Baca juga: Puisi-Puisi Covid19 D. Kemalawati

Baca juga : Puisi-Puisi Covid-19 Fatin Hamama

Baca juga : Puisi-Puisi Covid-19 (2) Amri M Ali

Baca juga: Puisi-Puisi Covid-19 Akhmad Sekhu

Komentar

Loading...